រមណីយដ្ឋានទឹកធ្លាក់ថ្មតាដាសច្ចំ

ខេត្តកំពតរំលេចចេញរមណីយដ្ឋានដ៏គួរឲ្យចាប់អារម្មណ៍ និងទាក់ទាញអ្នកទេសចរមួយទៀត នោះគឺ រមណីយដ្ឋាន«ទឹកធ្លាក់ថ្មតាដាសច្ចំ» ។ ទីនោះមានទឹកជ្រោះហូរពីលើកំពូលភ្នំ ធ្លាក់លើផ្ទាំងថ្មដាដ៏ធំ អមជាមួយព្រៃព្រឹ
ក្សាពណ៌បៃតងខ្ចីគួរ ជាទីគយគន់និងមុជទឹកលេង ។ សព្វថ្ងៃនេះមានទេសចរទៅកម្សាន្តច្រើនកុះករ ។
រមណីយដ្ឋានទឹកធ្លាក់ថ្មតាដាសច្ចំស្ថិតក្នុងឃុំស្នំប្រាំពីរ ស្រុកទឹកឈូ ខេត្តកំពត បើធ្វើដំណើរចេញពីរាជធានីភ្នំពេញទៅតាមផ្លូវជាតិលេខ៣ឆ្ពោះទៅខេត្តកំពត ហើយឆ្លងស្ពានថ្ម ក្នុងទីរួមខេត្តប្រមាណជា៥០ម៉ែត្របត់ខាងស្តាំនឹងឃើញស្លាកសញ្ញាសួនសត្វ «ញឹមវណ្ណដាទឹកឈូ និងរមណីយដ្ឋានទឹកឈូ» ហើយឆ្ពោះទៅដល់វារីអគ្គិសនីបត់ឆ្វេងប្រមាណ៥០៤ម៉ែត្រ ឃើញស្លាករបស់រមណីយដ្ឋានទឹកធ្លាក់ថ្មតាដាសច្ចំ ហើយ ។